Ymunwch â ni fel Ymddiriedolwr neu Gynghorydd

Ymddiriedolaeth Gymunedol a Diwylliannol Wrecsam (YGDW) yn chwilio am Ymddiriedolwyr a Chynghorwyr newydd i helpu i lunio dyfodol ein gwaith. Allwch chi gyfrannu?

Amdanom Ni

Mae Ymddiriedolaeth Gymunedol a Diwylliannol Wrecsam yn sefydliad annibynnol wedi'i leoli yn Wrecsam sydd wedi'i sefydlu gyda chefnogaeth Cyngor Bwrdeistref Sirol Wrecsam.

Fel ymddiriedolaeth datblygu diwylliannol, cenhadaeth yr Ymddiriedolaeth yw cefnogi a datblygu seilwaith diwylliannol a chreadigol Wrecsam yn y tymor hir, gan annog buddsoddiad mewn creadigrwydd a diwylliant a fydd o fudd i bobl Wrecsam ac yn adeiladu proffil Wrecsam ar y llwyfan cenedlaethol a rhyngwladol. Bydd yr Ymddiriedolaeth yn cychwyn ac yn gweithio mewn partneriaeth ar ystod eang o brosiectau i ddatblygu'r sîn ddiwylliannol yn sir Wrecsam. Mae hyn yn cynnwys Cais Dinas Diwylliant y DU 2029, nodi cyfleoedd cyllid a nawdd a datblygu partneriaethau gyda sefydliadau allweddol gan gynnwys CBSW, Clwb Pêl-droed Wrecsam, yr Ymddiriedolaeth Genedlaethol a Phrifysgol Wrecsam ymhlith eraill.

Pam ymuno â'n bwrdd fel Ymddiriedolwr neu Gynghorydd?

Fel Ymddiriedolwr neu Gynghorydd i'r Bwrdd, byddwch chi'n helpu i lywio ein strategaeth a'n llywodraethu, cefnogi ein twf a sicrhau ein bod yn aros yn driw i'n gwerthoedd. Byddwch yn rhan o dîm cefnogol, sy'n gweithio i wneud gwahaniaeth gwirioneddol yn lleol.

Rydym yn arbennig o awyddus i glywed gan bobl sydd â gwybodaeth neu brofiad yn:

• Cyllid, codi arian neu ddatblygu incwm elusennol
• Prosiectau diwylliannol strategol sydd wedi cyflawni newid sylweddol naill ai ar gyd-destun rhanbarthol neu ryngwladol 

Nid oes angen profiad blaenorol ar y bwrdd. Yr hyn sy'n bwysig fwyaf yw eich angerdd, eich profiad byw, a'ch ymrwymiad i ecwiti ac ymrwymiad i ddyrannu tua 10 diwrnod y flwyddyn o'ch amser ar sail wirfoddol.

Beth Rydym Ni’n Cynnig

• Amgylchedd bwrdd croesawgar a chynhwysol
• Cyfranogiad hyblyg i weddu i'ch argaeledd
• Costau teithio a chymorth mynediad
• Cyfle i lunio dyfodol y cynnig diwylliannol a chreadigol yn Wrecsam

Rydym yn Croesawu Pob Cefndir

Rydym yn annog ceisiadau yn arbennig gan:

• Pobl sydd â phrofiad byw o droseddau casineb a gwahaniaethu neu unigolion â nodweddion gwarchodedig, megis:
  • Unigolion neu gymunedau Du, Asiaidd a Lleiafrifoedd Ethnig
  • Pobl Anabl
  • LHDTC+
• Pobl Ifanc (o dan 35)
• Pobl o gefndiroedd difreintiedig cymdeithasol ac economaidd neu incwm isel

Nid oes rhaid i chi fod wedi bod yn ymddiriedolwr yn unrhyw le o'r blaen. Os gallwch chi fod yn ystyriol, yn adeiladol ac yn barod i ddysgu, wrth ychwanegu eich mewnwelediadau eich hun at ein hachos, gallwch wneud cais. Eich profiad personol a phroffesiynol yw'r hyn sy'n bwysig.

Rydym yn casglu data am nodweddion a chefndir ymgeiswyr, gan gynnwys gwybodaeth am gefndiroedd addysgol a phroffesiynol pobl, fel y gallwn wneud yn siŵr ein bod yn denu ystod eang o bobl i'r rolau hyn a bod ein prosesau dethol yn deg i bawb. Heb y wybodaeth hon, mae'n ei gwneud hi'n anodd gweld a yw ein allgymorth yn gweithio, a yw'r broses ymgeisio yn cael effaith annheg ar grwpiau penodol ac a yw newidiadau'n gwneud gwahaniaeth cadarnhaol.

Ymrwymiad amser

• Bydd y rôl hon yn cymryd tua 10 diwrnod y flwyddyn
• Bydd angen i chi fynychu hyd at 6 cyfarfod o'r Bwrdd y flwyddyn:
  • Cynhelir y cyfarfodydd hyn wyneb yn wyneb mewn gwahanol leoliadau hygyrch ar draws Bwrdeistref Sirol Wrecsam, gyda'r opsiwn i ymuno ar-lein
  • Maent yn cymryd tua 2 awr ac fel arfer yn cael eu cynnal yn hwyr yn y prynhawn
  • Gofynnir i gynghorwyr y bwrdd fynychu pob-yn-ail cyfarfod bwrdd neu fynychu cyfarfodydd ychwanegol os gofynnir amdanynt ar gyfer eu maes arbenigedd
• Bydd gofyn i chi hefyd ymuno ag un o'r is-bwyllgorau canlynol:
  • Pwyllgor Datblygu
  • Pwyllgor Llywodraethu
  • Pwyllgor Cyllid

Os yw eich arbenigedd mewn cyllid neu gyfrifyddu, cewch eich gwahodd i ymgymryd â rôl Trysorydd a darparu goruchwyliaeth ariannol i'r sefydliad.

Bydd y tymor penodiad yn dair blynedd i ddechrau gydag adolygiad o berfformiad i'w adnewyddu am dair blynedd arall ac eto ar ôl y cyfnod hwn am uchafswm o naw mlynedd.

Manteision bod yn Ymddiriedolwr

• Byddwch yn cael cyfle i wneud gwahaniaeth gwirioneddol a chadarnhaol i fywyd diwylliannol a chymunedau Wrecsam
• Byddwch yn dysgu mwy am yr ecosystem ddiwylliannol yn Wrecsam
• Byddwch yn ennill sgiliau a phrofiad newydd a allai eich helpu i ddatblygu'n broffesiynol ac yn eich bywyd personol

Sut i Ymgeisio

Anfonwch e-bost at [email protected] gyda Mynegiad o Ddiddordeb byr yn manylu ar pam mae gennych ddiddordeb yn y rôl hon a sut y gall eich profiad, eich arbenigedd a'ch sgiliau gefnogi gwaith yr Ymddiriedolaeth. Atodwch hefyd Curriculum Vitae (CV) cyfredol.

• Y dyddiad cau ar gyfer ceisiadau yw 23:59 ddydd Mercher 21ain^st Mai
• Bydd pob cais yn cael ei asesu yn erbyn y meini prawf yn y briff hwn gan y Cadeirydd, yr Is-gadeirydd a'r Cyfarwyddwr
• Gofynnir i ymgeiswyr ar y rhestr fer fynychu cyfweliad ar-lein ddydd Iau 29ain^ain Mai.
• Os oes gennych unrhyw gwestiynau neu ymholiadau, anfonwch e-bost at [email protected] erbyn dydd Llun 19eg^ain Mai i drefnu siarad ag ymddiriedolwr presennol neu aelod o staff cyn gwneud cais.